Sitting Bull, o alto e melenudo peregrino
luxemburgués camiñaba como un auténtico gran xefe indio. Sempre
diante
de nos,
parecía perseguir a súa propia sombra, que se proxectaba hacia o Oeste, indicando
o camiño, como
se fora un compás
de luz interrumpida. Simone, a esforzada
peregrina australiana, bautizárao
con tan axeitado
alcume un día
no que a chuvia obrigáranos a facer
un alto no solitario albergue de Reliegos,
un despoboado lugar
afundido na afeitada
meseta leonesa.
Aquela
noite, tras unha estraña e atípica
cea chea de sorprendentes e mixturados sabores,
Patrik, o exilado súbdito
de antigo
principado, foi o primeiro en ser apodado
como Sitting Bull. Logo despois, como nun
xogo de nenos vellos,
os demáis:
Simone; flecha amarela. Kate, a súa
amiga de Sidney, Tormenta que sonríe.
Daisy, a sensible rapaza
sudafricana,
Bágoa do vento. E por fin Jean Martin,
o pintor nacionalista de Quebec, Xerónimo.
Tocóume
a min reencarnarme imaxinariamente no mítico
Crazzy Horse, alcume que certamente me gustou
e que
debín merecer polo meu
tolo empeño de repetir unha e outra
vez a toda a tribu que debíamos chegar
a Fisterra. Ese día,o redor dunha
botella de viño convertida para a
ocasión en "auga de lume vermello"
contei todas e cantas historias sobre a
fin do camiño viñéronme
a memoria para convencelos. Incluso inventei
unha lenda que afirmaba que, o caer a tardiña,
no meu pobo produciase o máxico miragre
dun sol que tras precipitarse na liña
do hourizonte derreteuse facendo que as
augas do océano quentáranse
aumentando así a temperatura do Atlántico.
Tal é a razón pola que os
peregrinos cumplen un vello rito bañándose
no mar de Fisterra.
Quizais
non fora ese o motivo, pero o certo é
que Patrik, Simone, Kate, Daisy, Jean Martin,
e mais eu, ou o que é o mesmo, os
últimos sobrevivintes da aldea india
de Reliegos, chegamos andando ata o fin
do mundo. Foi entón cando
nos
decatamos de que voltábamos a ser
persoas normais. Estábamos en Fisterra,
o Kilómetro Cero, e semellaba que
todos saíamos dun sono.
É
un relato de Roberto Traba Velay
|
