|
Meu
moi distinguido amigo
compatriota e cidadán
bo galego
e xeneroso
de "Nunca Máis" meu irmán.
Desde
Fisterra che escribo
un martes pola mañán
para
informarche dun asunto
do que moito falarán
si é
que contigo contamos
e nos metes unha man.
O
conto é que xa se achega
o entroido fisterrán
e
tal como están as cousas
(tí xa sabes como están),
nunha
asamblea pensamos,
con retranca de aldeán
en montar
un batifondo,
entre bravú e "performance",
para
dar caña ao sistema
e tamén a algún gañán.
Xa
que Fisterra ten nome
de sona internacional
e sae en todos
os mapas
que editan no mundo mundial
coidamos moi axeitado
no
tempodo carnaval
organizar, con gran pompa,
un solemne funeral
en
memoria dese barco
que nos fixo tanto mal.
|
Estamos
pois construíndo
para o oito de Marzal
en escala, un
petroleiro
que semelle moi real,
monocasco, por suposto
bandeira
convencional,
e que quede escorado a unha banda
ou a outra,
que é igual
solte moito chapapote
como é lóxico
e normal.
Ademáis
de todo esto,
unha grande comitiva
de obispos e autoridades
(toda
xente suversiva)
irá tras o cadaleito
rúa abaixo,
rúa arriba,
repetindo cada salmo
que para a ocasión
se escriba
e que ha de ser moi agudo
pois aquí hai
xente moi viva
para inventar letanías
con retónica
furtiva.
Irán tamén voluntarios
militares
"en cursiva"
estudiantes e bombeiros
e cobradores
de IVA.
E
berraremos ao mundo
que dunha vez se prohíba
que ataquen
contra o planeta
dunha forma tan masiva.
|
Acabada
a procesión
o barco será botado
e afundido no
océano.
Para elo temos pensado
alonxalo o máis
posible,
gardando moito coidado
de facelo, mesmamente
como
se tivo mandado
polo governo da Xunta
no caso aquí
recordado.
En
fín, meu querido amigo
xa sabes que estás invitado
a
participar con nosco
en todo este tinglado.
Se podes, vén
a Fisterra
e si vés, sería doado
que apareceras
de obispo
ou de Raxoi disfrazado
para ler a túa ofrenda
ou
si ques para estar calado.
Con
esto xa me despido,
espero a túa resposta
e aínda
estando convencido
de que vir aquí che costa
cancelar
algún asunto,
agardo con impaciencia
contar coa túa
presencia
no funeral do difunto.
|