Licenciado en Psicoloxía. Participou en diversos proxectos culturais (grupo de teatro Talía, Batallón Literario da Costa da Morte, Colectivo Poético Un Medio, etc.) e resultou gañador dalgúns premios, con relatos que publicou en volumes colectivos: Premios Pedrón de Ouro (1992 e 1993) e Historias da pusilanimidade e catro contos máis (1996). Publicou os seus poemas nas revistas Dorna e A Regueifa. Ten publicado dous poemarios: Poemas da cidade oculta (colección "Ablativo Absoluto", Xerais 1996) e Areados. Na selva, pola tarde, ollando os tigres, merecedor do Premio de Poesía Miguel González Garcés do ano 1996.